ଘୁ ଉଦୟଗିରି : କନ୍ଧମାଳ ଜିଲ୍ଲା ଘୁ.ଉଦୟଗିରି ବ୍ଳକ ଅଧୀନରେ କଳିଙ୍ଗା ପଞ୍ଚାୟତର କଲ୍ୟାଣ ମଣ୍ଡପଠାରେ ବିଜୁ ଜନତା ଦଳ ଘୁ ଉଦୟଗିରି ପକ୍ଷରୁ ତ୍ରିସ୍ତରୀୟ ପଞ୍ଚାୟତ ନିର୍ବାଚନକକୁ ଆଖି ଆଗରେ ରଖି ପ୍ରସ୍ତୁତ ବୈଠକ ଅନୁଷ୍ଠିତ ହୋଇଯାଇଛି ।ଏହି ବୈଠକରେ କିପରି ନିର୍ବାଚନ ମଇଦାନକୁ ଓହ୍ଲାଇବ ପାଇଁ କ’ଣ ପ୍ରସ୍ତୁତ କରିବାକୁ ପଡିବ, ସେ ବିଷୟ ନେଇ ଆଲୋଚନା କରାଯାଇଥିଲା । ଘୁ ଉଦୟଗିରି ବିଧାୟକ ଶାଲୁଗା ପ୍ରଧାନ ସମସ୍ତ ଉପସ୍ଥିତ କର୍ମୀମାନଙ୍କୁ ସମସ୍ତ ବିଷୟ ଉତ୍ତମ ଭାବରେ ପ୍ରସ୍ତୁତ କରିବା ପାଇଁ ପରାମର୍ଶ ଦେବା ସହିତ ସମସ୍ତଙ୍କର ସହଯୋଗ ଆବଶ୍ୟକ ବୋଲି କହିଥିଲେ । ଜିଲ୍ଲା ସାଧାରଣ ସମ୍ପାଦକ କିଶର ଚନ୍ଦ୍ର ନାୟକ କିପରି କଠିନ ପରିଶ୍ରମ ସହିତ କୌଶଳ ପ୍ରସ୍ତୁତ କଲେ ଜିଲ୍ଲା ପରିଷଦକୁ ଜିତେଇ ପାରିବା ସେ ବିଷୟରେ ଆଲୋଚନା କରିଥିଲେ । ତା ସହିତ ଅନେକ କର୍ମୀ ନିଜ ନିଜର ମତ ପ୍ରଦାନ କରିଥିଲେ ।ଏହି କାର୍ଯ୍ୟକ୍ରମରେ ଘୁ ଉଦୟଗିରି ବ୍ଳକର ସମସ୍ତ କର୍ମୀ ଅର୍ଥାତ ଟିକାବାଲି ବ୍ଳକ ସଭାପତି ରୋଦନ ମଲ୍ଲିକ, ଘୁ ଉଦୟଗିରି ନଗର ସଭାପତି ଗୋପାଳ ମହାପାତ୍ର, ଅସ୍ପିନି ନାୟକ ନଗର ସମ୍ପାଦକ, ଘୁ ଉଦୟଗିରି ବ୍ଳକ ସଭାପତି ଲିଙ୍ଗରାଜ କହଁର, ଏମପି ପ୍ରତିନିଧି ଶାମନ୍ତ ଦିଗାଲ ଓ ସୃଜନ ନାୟକ,ବ୍ଳକ ଉପସଭାପତି ଗୋପାଳ ନାୟକ,ମାଈନରୀଟି ବ୍ଳକ ସଭାପତି ରଞ୍ଜୟ ନାୟକ, ଏବଂ ସମସ୍ତ ଗ୍ରାମ ପଞ୍ଚାୟତ ସଭାପତି ଓ ସରପଞ୍ଚ, ସମିତିସଭ୍ୟ, ଏବଂ ଆଶାୟୀ ଜିଲ୍ଲା ପରିଷଦ ସଭ୍ୟ ସମେତ ବହୁ ବିଜେଡି ବରିଷ୍ଠ ନେତାମାନେ ଉପସ୍ଥିତ ରହି ଏହି ପ୍ରସ୍ତୁତି ବୈଠକ କରିଥିଲେ ।
