ନୂଆଦିଲ୍ଲୀ : ଆଜି କେନ୍ଦ୍ର ସରକାର ବୀରତ୍ୱ ପାଇଁ ମେଡାଲ ଘୋଷଣା କରିଛନ୍ତି । ଏବର୍ଷ ୩୮୪ ଜଣଙ୍କୁ ଏହି ପୁରସ୍କାର ମିଳିବ । ଭାରତୀୟ ଆଥଲେଟ ନୀରଜ ଚୋପ୍ରାଙ୍କୁ ମିଳିଛି ପରମ ବିଶିଷ୍ଟ ସେବା ମେଡାଲ । ରାଷ୍ଟ୍ରପତି ରାମନାଥ କୋବିନ୍ଦ ସେମାନଙ୍କୁ ଏକ ବିଶେଷ ଉତ୍ସବରେ ଆସନ୍ତାକାଲି ଏହି ମେଡାଲ ପ୍ରଦାନ କରିବେ । ଜାଭେଲିନ ଆଥଲେଟ ନୀରଜ ଗତବର୍ଷ ଅନୁଷ୍ଠିତ ଟୋକିଓ ଅଲିମ୍ପିକ୍ସରେ ଭାରତ ପାଇଁ ସ୍ୱର୍ଣ୍ଣ ଜିତି ଇତିହାସ ରଚିଥିଲେ । ୨୦୨୧ ଅଗଷ୍ଟ ସୁଦ୍ଧା ସେ ବିଶ୍ୱ ମାନ୍ୟତା ତାଲିକାରେ ଦ୍ୱିତୀୟ ସ୍ଥାନରେ ଥିଲେ । ଭାରତୀୟ ଆର୍ମିରେ ସେ ଏବେ ଜୁନିଅର କମିସନ୍ଡ ଅଫିସର(ଜେସିଓ)ଭାବେ କାର୍ଯ୍ୟ କରୁଛନ୍ତି । ସେ ଆଇଏଏଏଫ ୱାର୍ଲଡ ଅଣ୍ଡର-୨୦ ଚାମ୍ପିଅନସିପସ ଜିତିବାରେ ସେ ପ୍ରଥମ ଭାରତୀୟ ଆଥଲେଟ । ୨୦୧୬ରେ ମଧ୍ୟ ସେ ରେକଡର଼୍ ସୃଷ୍ଟି କରିଥିଲେ ।
