କଣ୍ଟାବାଞ୍ଜି :ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ପୌର ନିର୍ବାଚନରେ ବିଜେଡି ଅଧ୍ୟକ୍ଷ ଓ ମେମ୍ବର ପ୍ରାର୍ଥୀଙ୍କ ଜୋରଦାର ପ୍ରଚାର ପ୍ରସାର ଚାଲିଥିବା ବେଳେ ରୋଡ଼ ସୋରେ ଗୁଣାତ୍ମକ ଜନ ସମର୍ଥନ ଦେଖିବାକୁ ମିଳିଥିଲା । ସ୍ଥାନୀୟ ଶ୍ରୀରାମ ମନ୍ଦିରରୁ ଆରମ୍ଭ ହୋଇ ଇନ୍ଦିରା ଛକ, ଶାସ୍ତ୍ରୀ ଛକ ହୋଇ ବିଭିନ୍ନ ୱାର୍ଡ ଓ ଗଲିକନ୍ଦିରେ ପ୍ରଚାର କରିଥିବା ଦେଖିବାକୁ ମିଳିଛି । ଏନଏସି ଅଧ୍ୟକ୍ଷ ପ୍ରାର୍ଥୀ ବିନୟ ଭୂଷଣ ବିଭାର ନିଜ ସମର୍ଥିତ ମେମ୍ବର ପ୍ରାର୍ଥୀଙ୍କ ସହ ହାଥ ଯୋଡି ଦଳ ସପକ୍ଷରେ ଭୋଟ ଦେବାକୁ ଅନୁରୋଧ କରିଥିଲେ । ଏହି ରୋଡ଼ ସୋରେ ସଂଗୀତ ମାଧ୍ୟମରେ ରାଜ୍ୟ ସରକାର୍ଙ୍କ ଉଲ୍ଲେଖନୀୟ କାର୍ଯ୍ୟଙ୍କୁ ମଧ୍ୟ ପ୍ରଚାରରେ ସାମିଲ କରାଯାଇଥିଲା ।” ନବୀନ ବାବୁ ତମେ ଖୁବ ବଢିଆ ” ସଂଗୀତଙ୍କୁ ଲୋକେ ଅତ୍ୟଧିକ ପସନ୍ଦ କରୁଥିବା ଜଣାପଡିଛି । ଦୋକାନ ବଜାର ବନ୍ଦ କରି ଲୋକେ ରୋଡ଼ ସୋରେ ସାମିଲ ମଧ୍ୟ ହୋଇଥିଲେ । ଜନ ସମର୍ଥନ ରୁ ରାସ୍ତାରେ ଭିଡ଼ ଭରି ରହିଥିଲା । ରୋଡ଼ ସୋରେ ମା, ଭଉଣୀମାନେ ସାମିଲ ହୋଇ ଦଳ ପ୍ରତି ସମର୍ଥନ କରିଥିବା ଦେଖିବାକୁ ମିଳିଥିଲା । ଜିଲ୍ଲା ସାଧରଣ ସମ୍ପାଦକ ଫିରୋଜ ଖାଁ, ବରିଷ୍ଠ ନେତା ଅଜୟ ଦାସଙ୍କ ନେତୃତ୍ୱରେ ଏହି ଆୟୋଜନରେ ନଗର ସଭାପତି ଏସ ଜଗନ୍ନାଥ ରାଓ, ରାଜେନ୍ଦ୍ର ବେହେରା, ଦେବରାଜ ଯାଦବ, ତାହୀର ଖାନ, ମନୋଜ ଚଣ୍ଡୀ, ସରଜୁ ଖାନ, ସୋନୁ ପାଠକ ସହ ବହୁ ସଂଖ୍ୟାରେ କର୍ମୀ ସମ୍ମିଳିତ ଥିଲେ ।
