ଘୁ ଉଦୟଗିରି: ଘୁ ଦୟଗିରି ଥାନା ଅଧୀନରେ ଥିବା କଳିଙ୍ଗା ଘାଟିର ଅନ୍ଧାର କୁଟ ନିକଟ ବୁଲାଣିରେ ଆଜି ସକାଳେ ପ୍ରାୟ ୮ ଟା ବେଳେ ଓଆର ୦୫ ଏ ଜେ ୮୫୮୧ ନମ୍ୱର୍ ବିଶିଷ୍ଟ ଏକ ଟ୍ରକ ଦୁର୍ଘଟଣା ହୋଇଛି । ରାୟପୁରଠାରୁ ବିଭିନ୍ନ ପ୍ରକାର ଜିନିଷ ନେଇ ବ୍ରହ୍ମପୁର ଯାଉଥିବା ବେଳେ ବ୍ରେକ ଫେଲ ହେବାରୁ ଦୁର୍ଘଟଣାଗ୍ରସ୍ତ ହୋଇଥିବା ହେଲପେର ଜଣକ ସୂଚନା ଦେଇଛନ୍ତି । ଏହି ମାଲବାହୀ ଟ୍ରକ ଭଞ୍ଜନଗର ଅଗଝଳ ଗ୍ରାମ ରାଜେନ୍ଦ୍ର ପ୍ରଧାନଙ୍କର ବୋଲି ଜଣାପଡିଛି । ବ୍ରେକ ଫେଲ ହେବାରୁ ହେଲପର ତଳକୁ ଓହ୍ଲେଇ ମୁଣ୍ଡା ଦେଇ ଗାଡ଼ିକୁ ଅଟକାଇବା ପାଇଁ ଚେଷ୍ଟା କଲେ କିନ୍ତୁ ଗାଡ଼ିଟି ହେଭି ଲୋଡ ହୋଇଥିବାରୁ ମଝି ରାସ୍ତାରେ ଓଲୋଟି ପଡ଼ି ଘଷି ହୋଇ ଯାଇ ରାସ୍ତା କୋଡକୁ ଲାଗିଯାଇଥିବା ଦେଖିବାକୁ ମିଳିଛି । ଡ୍ରାଇଭର ଓ ହେଲପର ଦୁହେଁ ସୁରକ୍ଷିତ ଥିବା ସୂଚନା ରହିଛି ।
