ଫୁଲବାଣୀ;-ଫୁଲବାଣୀ ସହରରେ ଏଫସିଆଇ ଛକ ନିକଟରେ ଥିବା ବାବା କାଳେଶ୍ୱର ମନ୍ଦିରରେ ଶନିବାର ରାତିରେ ବଡ଼ ଧୁମଧାମରେ ଶିବ ବିବାହ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଅବସରରେ ଦ୍ୱାର ଫିଟା ନୀତି ସଂପନ୍ନ ପରେ ମଙ୍ଗଳ ଆଳତୀ, ସୂର୍ଯ୍ୟପୂଜା ଗୋପୂଜା ରୁଦ୍ରାଭିଷେକ ଉତ୍ସବ ଆଦି ଅନୁଷ୍ଠିତ ହୋଇଥିଲା । ଦେବଦେବ ମହାଦେବଙ୍କୁ ବରବେଶରେ ସଜ୍ଜିତ କରାଯାଇଥିଲା । ଫୁଲବାଣୀ ଏଫସିଆଇ ଛକର ବ୍ୟବସାୟୀ ରାମନାଥ ସାହୁ କନ୍ୟାପକ୍ଷ ଦାୟୀତ୍ୱ ତୁଲାଇ ଥିବାବେଳେ ସୋମନାଥ ମହାପାତ୍ର ବରପକ୍ଷ ସାଜିଥିଲେ । ସମସ୍ତ ରୀତିନୀତିରେ ସମସ୍ତ କାର୍ଯ୍ୟ ସମାପନ ହୋଇଥିଲା । ଏହି କାର୍ଯ୍ୟକ୍ରମରେ ଆଇନଜିବୀ ବିଜୟ ମହାନ୍ତି, ଅବସର ପ୍ରାପ୍ତ ରିଡର ତୀର୍ଥଜାନୀ, ବରୀଷ୍ଠ ସାମ୍ବାଦିକସନ୍ତୋଷ ଡିଗଲ, ତ୍ରୀନାଥ ସାହୁ ପ୍ରମୁଖଙ୍କ ସମେତ ଅଶୋକ ର୍ମିଶ୍ର ଓ ମନ୍ଦିର ପରିଚାଳନା କମିଟି ସଦସ୍ୟ ଓ ଅନ୍ୟମାନେ ସୁଚାରୁ ରୁପେ ଦାୟିତ୍ୱ ସମ୍ପନ୍ନ କରିଥିଲେ । ଏହି କାର୍ଯ୍ୟକ୍ରମରେ ଅଞ୍ଚଳର ଶତାଧିକ ଭକ୍ତ ଯୋଗ ଦେଇଥିଲେ । ରବିବାର ଶିବପାର୍ବତୀଙ୍କ ସାହୀ ପରିକ୍ରମା କାର୍ଯ୍ୟକ୍ରମ ହୋଇଥିଲା ।
