ଘୁ ଉଦୟଗିରି:ଚଳିତ ବର୍ଷ ଘୁ.ଉଦୟଗିରି ସହରରେ ଶାରଦୀୟ ଦୁର୍ଗା ପୂଜା ନିମନ୍ତେ କମିଟି ପକ୍ଷରୁ ଭଞ୍ଜ ମାର୍କେଟ ସମ୍ମୁଖରେ ଅସ୍ଥାୟୀ ଦୁର୍ଗା ମଣ୍ଡପ ଠାରେ ଶୁଭଖୁଣ୍ଟି ସ୍ଥାପନ କରାଯାଇଛି ।ଦୀର୍ଘ ଦୁଇବର୍ଷ ଧରି କରୋନା କଟକଣା ଭିତରେ ଆବଦ୍ଧ ଭିତରେ ମଣ୍ଡପ ଭିତରେ ଭକ୍ତଙ୍କୁ ଦର୍ଶନ ନ ଦେଇ କେବଳ ରୀତିନୀତି ଅନୁସାରେ ପୂଜା ଅନୁଷ୍ଠିତ ହେଉଥିବା ବେଳେ ଚଳିତ ବର୍ଷ ବେଶ ଜାକଜକମରେ ଦୁର୍ଗାପୂଜା ପାଳନ ନିମନ୍ତେ ସ୍ଥାନୀୟ ପୂଜା କମିଟି ପ୍ରସ୍ତୁତି ଆରମ୍ଭ କରି ଆଜି ଶୁଭଖୁଣ୍ଟି ସ୍ଥାପନ କରିଛି । ପୁରୋହିତ ସୂର୍ଯ୍ୟନାରାୟଣ ଆଚାର୍ଯ୍ୟ, ସୁଧାଂଶୁ ଶେଖର ଆଚାର୍ଯ୍ୟ ଏବଂ ସଞ୍ଜୟ ଆଚାର୍ଯ୍ୟ ରୀତିନୀତି ଅନୁସାରେ ହୋମ ଯଜ୍ଞ, ପୂଜାପାଠ ସମାପନ କରିଥିବା ବେଳେ କର୍ତ୍ତାଭାବେ ପ୍ରତାପ ପଣ୍ଡା ପୂଜାରେ ବସିଥିଲେ । ଚଳିତ ବର୍ଷ ଦୁର୍ଗା ପୂଜା କମିଟି ସଭାପତି କାଳୁଚରଣ ପଣ୍ଡା,ସମ୍ପାଦକ ଅରୁଣ ଷଡଙ୍ଗୀ, ସଭ୍ୟ ଚନ୍ଦନ ପାଣିଗ୍ରାହୀ, କୃଷ୍ଣମୂର୍ତ୍ତି ପାତ୍ର, ଦେବୀପ୍ରସାଦ ଦାଶ, ପ୍ରଶାନ୍ତ ସୁବୁଦ୍ଧି ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।
