ନୂଆଦିଲ୍ଲୀ: ଅକ୍ଟୋବର ୧୭ ତାରିଖରେ ଦଳର ଅଧ୍ୟକ୍ଷ ପଦ ନିର୍ବାଚନ ନିମନ୍ତେ ଭୋଟ୍ ଗ୍ରହଣ କରାଯିବ ବୋଲି ଆଜି କଂଗ୍ରେସ ପାର୍ଟି ଜାରି କରିଥିବା ବିଜ୍ଞପ୍ତିରେ ଉଲ୍ଲେଖ ଅଛି।
ଏହି ନିର୍ବାଚନ ନିମନ୍ତେ ସେପ୍ଟେମ୍ବର ୨୪ରୁ ସେପ୍ଟେମ୍ବର ୩୦ ସୁଦ୍ଧା ପ୍ରାର୍ଥୀପତ୍ର ଦାଖଲ ନିମନ୍ତେ ସମୟ ଦିଆଯାଇଛି। ପ୍ରୟୋଜନ ହେଲେ, ଅକ୍ଟୋବର ୧୭ ତାରିଖ ଦିନ ଭୋଟ୍ ଗ୍ରହଣ ଓ ଅକ୍ଟୋବର ୧୯ ତାରିଖ ଦିନ ଭୋଟ୍ ଗଣନା କରାଯିବ ବୋଲି ଉକ୍ତ ବିଜ୍ଞପ୍ତିରେ ଉଲ୍ଲେଖ ଅଛି।
ବିଜ୍ଞପ୍ତି ଅନୁସାରେ, ୨୪ରୁ ସେପ୍ଟେମ୍ବର ୩୦ ସୁଦ୍ଧା (ପୂର୍ବାହ୍ନ ୧୧ଟାରୁ ଅପରାହ୍ଣ ୩ଟା) ପ୍ରାର୍ଥୀପତ୍ର ଦାଖଲ ଏବଂ ଅକ୍ଟୋବର ୧ରେ ପ୍ରାର୍ଥୀପତ୍ର ଯାଞ୍ଚ କରାଯିବା ସହ ସନ୍ଧ୍ୟା ବେଳକୁ କାଏମ୍ ଥିବା ପ୍ରାର୍ଥୀପତ୍ରର ତାଲିକା ପ୍ରକାଶ କରାଯିବ।
