ଖପ୍ରାଖୋଲ: ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ସ୍ଥାନୀୟ ହରିଶଙ୍କର ବିଦ୍ୟାଳୟରେ +୨ ପ୍ରଥମ ବର୍ଷ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ସ୍ୱାଗତ ଉତ୍ସବ ବିଦ୍ୟାଳୟ ପରିସରରେ ମଙ୍ଗଳବାର ଅନୁଷ୍ଠିତ ହୋଇଯାଇଛି । ଅଧ୍ୟାପକ ଭଲଭଦ୍ର ଦାସଙ୍କ ସଭାପତିତ୍ୱରେ ଅନୁଷ୍ଠିତ ଉତ୍ସବରେ ଅଧ୍ୟକ୍ଷ ପ୍ରମୋଦ କୁମାର ପାଣି ମୁଖ୍ୟଅତିଥିଭାବେ ଯୋଗଦେଇ ପ୍ରଦୀପ ପ୍ରଜ୍ୱଳନ କରିଥିଲେ । ବିଦ୍ୟାଳୟର ନିୟମ ମାନି ଚଳିବା , ସମୟାନୁବର୍ତ୍ତୀ ହେବ, ଶୃଙ୍ଖଳିତ ଏବଂ ପାରସ୍ପାରିକ ସଦଭାବ ରକ୍ଷା କରି ସୁନାଗରିକ ହେବା ପାଇଁ ଅଧ୍ୟକ୍ଷ ଛାତ୍ରଛାତ୍ରୀଙ୍କୁ ପରାମର୍ଶ ହେଇଥିଲେ । ଅଧ୍ୟାପିକା ମଧୁସ୍ମିତା ସାହୁ, ସୁନନ୍ଦା ଭୋଇ, ମିନା ସାହୁ ସମ୍ମାନିତ ଭାବେ ଯୋଗଦେଇଥିଲେ । ଦ୍ୱିତୀୟ ବର୍ଷର ଛାତ୍ରଛାତ୍ରୀ ସିନ୍ଧ୍ରର, ଚନ୍ଦନ, ପୁଷ୍ପଗୁଚ୍ଛ ଦେଇ ନବାଗତ ଛାତ୍ରଛାତ୍ରୀଙ୍କୁ ସ୍ୱାଗତ କରିଥିଲେ । ଛାତ୍ର ଦିଗାମ୍ବର ରଣା, ଡ଼ିଲେଶ୍ୱରୀ ନାଗ ପ୍ରସ୍ତାବ ଆଗତ ଓ ସମର୍ଥନ କରିଥିଲେ । ଦ୍ୱିତୀୟ ବର୍ଷର ଛାତ୍ର ଶ୍ରାବଣୀ, ମିନା, ଦୀପାଞ୍ଜଳି, ରୁବି, ରିତା, ବେଦକାନ୍ତି ସ୍ୱାଗତ ସଂଗୀତ ଗାନ କରିଥିଲେ । ମୁକେଶ ଭୋଇ, ଅକ୍ଷୟ ବିଶ୍ୱାଳ, ଭୁବନେଶ୍ୱରୀ ଦାଣ୍ଡିଆ, ହୀରାବତୀ ପଞ୍ଜି, ଆଶାରାଣୀ ସାହୁ, ଶୁଭମ ଦଣ୍ଡସେନା ସ୍ୱାଗତ ବକ୍ତବ୍ୟ ପ୍ରଦାନ କରିଥିଲେ । ସୁରେଖା, ସୁନୀଲ ଗଡ଼ତ୍ୟା, ବିନିଦ ମାଝୀଙ୍କ ସମେତ ବିଦ୍ୟାଳୟର କର୍ମଚାରୀ ଉତ୍ସବ ଆୟୋଜନରେ ସହଯୋଗ କରିଥିଲେ । ଶେଷରେ ପ୍ରଥମ ଦ୍ୱିତୀୟ ବର୍ଷର ଛାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ ।
