ବୌଦ୍ଧ,୨୫/୧୧: ସ୍ଥାନୀୟ କଚେରୀ ଖେଳ ପଡିଆଠାରେ ଆଜି ସେଣ୍ଟ୍ ଜାଭିୟର୍ସ ପବ୍ଲିକ ସ୍କୁଲ ବୌଦ୍ଧର ବାର୍ଷିକ କ୍ରୀଡା ଉଦଘାଟିତ ହୋଇଯାଇଛି । ଏଥିରେ ମୁଖ୍ୟଅତିଥି ଭାବେ ସ୍କୁଲ ଚେୟାରମ୍ୟାନ ଯୁଗଳ କିଶୋର ସାମଲ ଯୋଗଦେଇ କ୍ରୀଡା ପତାକା ଉତ୍ତୋଳନ କରିଥିଲେ । ସମ୍ମାନୀତ ଅତିଥି ଭାବେ ବୌଦ୍ଧ ପଞ୍ଚାୟତ କଲେଜର କ୍ରୀଡା ପ୍ରଶିକ୍ଷକ ଲମ୍ବୋଦର ପୁରୋହିତ ଓ ବିଦ୍ୟାଳୟର ଅଧ୍ୟକ୍ଷା ଶ୍ରୀମତୀ ସସ୍ମିତା ସେନାପତି ଯୋଗଦେଇଥିଲେ । ଗେହ୍ଲାମାଙ୍କ ମନ୍ଦିରରୁ କ୍ରୀଡା ମଶାଲ ଆସିବାପରେ କ୍ରୀଡାର ଶୁଭାରମ୍ଭ ହୋଇଥିଲା ।
ମୋଣ୍ଟେସୋରୀ ୧ ରୁ ମୋଣ୍ଟେସୋରୀ ୩ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ ମଧ୍ୟରେ ବଲ୍ ଥ୍ରୋ, ଇନ୍ ଆଉଟ ଖେଳ ଅନୁଷ୍ଠିତ ହୋଇଥିବାବେଳେ ଷ୍ଟାଣ୍ଡାର୍ଡ ୧ ରୁ ଷ୍ଟାଣ୍ଡାର୍ଡ ୧୦ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ ମଧ୍ୟରେ ଦୌଡ, ମ୍ୟୁଜିକ ଚେୟାର, ସଟ୍ଫୁଟ୍, ଡିସକସ୍, ଲମ୍ବଡିଆଁ, ଉଚ୍ଚଡିଆଁ ଆଦି ଖେଳ ଅନୁଷ୍ଠିତ ହୋଇଥିଲା । ଆସନ୍ତାକାଲି ଏହି କ୍ରୀଡା ଉଦଯାପିତ ହେବ । ଖେଳକୁ ପରିଚାଳନାରେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀ ଓ କର୍ମଚାରୀ ସହଯୋଗ କରିଥିଲେ ।
