ଦାରିଙ୍ଗବାଡ଼ି/ବ୍ରାହ୍ମଣୀଗାଁ,୨୫/୧:- କନ୍ଧମାଳ ଜିଲ୍ଲା ବ୍ରାହ୍ମଣୀଗାଁ ଥାନା ଅଞ୍ଚଳର ବିଭିନ୍ନ ସ୍ଥାନରେ ଅବକାରୀ ବିଭାଗ ଓ ଥାନା ପୋଲିସ ପକ୍ଷରୁ ଚଢ଼ାଉକରି ୧୬୦ କେଜିର ମହୁଲ ପୋଚ ନଷ୍ଟ କରିବାସହ ସେଥିରେ ବ୍ୟବହୃତ ସାମଗ୍ରୀ ଜବତ କରିଥିବା ଜଣାପଡ଼ିଛି । ସୂଚନା ଅନୁଯାୟୀ ଅଞ୍ଚଳରେ ଦେଶୀ ମଦ କାରବାରକୁ ରୋକିବା ପାଇଁ କୌଣସି ବିଶ୍ୱସ୍ତ ସୂତ୍ରରୁ ଖବରପାଇ ମଙ୍ଗଳବାର ଦିନ ସକାଳୁ ବ୍ରାହ୍ମଣୀଗାଁ ଥାନା ଅଧିକାରୀ ଚାପଧାରୀ ପ୍ରଧାନଙ୍କ ନେତୃତ୍ୱରେ ପୋଲିସ ବାହିନୀ ଓ ଅବକାରୀ ବିଭାଗ ପକ୍ଷରୁ ମିଳିତ ଚଢାଉ କରାଯାଇଥିବା ବେଳେ ଭିମାନାଳ ଅଞ୍ଚଳରୁ ମଦଭାଟି ଭାଙ୍ଗିବା ସହ ୧୬୦ କେଜିର ପୋଚ ନଷ୍ଟ କରାଯାଇଥିବା ନେଇ ଥାନାଅଧିକାରୀ ଶ୍ରୀ ପ୍ରଧାନ ସୂଚନା ପ୍ରଦାନ କରିଛନ୍ତି ।
