ପାଟଣାଗଡ଼ : ବଲାଙ୍ଗୀର ଜିଲ୍ଲା ପାଟଣାଗଡ ଉପଖଣ୍ଡ ବେଲପଡ଼ା ବ୍ଲକ ଅନ୍ତର୍ଗତ ଛୁଇନରାଠାରେ ରୋହିତ୍ କୁମାର ମାଝୀ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ୨୪ ନଂ ଜୋନ୍ ଜିଲ୍ଲାପରିଷଦ ସଭ୍ୟ ଜୟ ଧରୁଆ ଯୋଗ ଦେଇଥିବା ବେଳେ ସମ୍ମାନୀତ ଅତିଥିଭାବେ ସୁମତି ମାଝୀ ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ । ଫାଇନାଲ ମ୍ୟାଚ ଧୂଙ୍ଗୀଆମୁଣ୍ଡା ଓ ପତ୍ରାପାଳି ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ଧୂଙ୍ଗୀଆମୁଣ୍ଡା ୧୦ ଓଭରରେ ୬୭ ରନ୍ ସଂଗ୍ରହ କରିଥିଲା । ପତ୍ରାପାଳି ଟିମ୍ ୬ ଓଭରରେ ୬୮ ରନ୍ ସଂଗ୍ରହ କରି ବିଜୟ ହେଇଥିଲା । ଏହି ଟୁର୍ଣ୍ଣାମେଣ୍ଟ ତିନିଦିନ ଧରି ଅନୁଷ୍ଠିତ ହୋଇଥିଲା । ଫାଇନାଲ ମ୍ୟାଚରେ ସମ୍ମାନିତ ଅତିଥି ସୁମତି ଧରୁଆ ବିଜେତା ଦଳ ପତ୍ରାପାଳିକୁ ଟ୍ରଫି ସହ ପୁରସ୍କାର ରାଶି ପ୍ରଦାନ କରିଥିବା ବେଳେ ସମ୍ମାନିତ ଅତିଥିଭାବେ ଜୟା ଧରୁଆ ଧୁଙ୍ଗୀଆମୁଣ୍ଡା ଦଳକୁ ଟ୍ରଫି ସହ ପୁରସ୍କାର ରାଶି ପ୍ରଦାନ କରିଥିଲେ । ଖେଳକୁ ନୀଳ ବେହେରା ଓ ଅକ୍ଷୟ ବେହେରା ପରିଚାଲାନା କରିଥିବା ବେଳେ ରୁପେଶ ନାଏକ ସ୍କୋରର ଦାୟିତ୍ୱ ତୁଳାଇଥିଲେ । ସୁବାଷ ଧରୁଆ, ବିଶ୍ୱାମିତ୍ର ଧରୁଆ , ଦେବେନ୍ଦ୍ର ଧରୁଆ ଯୁବରାଜ ଧରୁଆ, ବ୍ରହ୍ମା ଦାସ, ଯଦୁମଣି ଭୋଇ, ଉମାକାନ୍ତ ଭୋଇ, ଲକ୍ଷ୍ମଣ ମାଝୀ, କୃଷି ଧରୁଆ, ନାୟିକୁ ଧରୁଆ, ରୋହିତ୍ ଧରୁଆ, ହୃଦାନନ୍ଦ ଧରୁଆ ମହିନ୍ଦ୍ରା ଧରୁଆ, ଚୂଳ ଧରୁଆ, ପ୍ରଶାନ୍ତ ବେହେରା, ପ୍ରେମ ପାଣ୍ଡେ, ଶ୍ୟାମ ଧରୁଆ ପ୍ରମୁଖଙ୍କ ସହ ଛୁଇନରା ଗ୍ରାମବାସୀ ଶୃଙ୍ଖଳିତ ଟୁର୍ଣ୍ଣାମେଣ୍ଟ ଆୟୋଜନ ପାଇଁ ସହଯୋଗ କରିଥିଲେ ।
