ମନମୁଣ୍ଡା : ମନମୁଣ୍ଡା ପୋଲିସର ବଡ଼ସଫଳତା । ୧୫ କୁଇଣ୍ଟାଲ ୫୦ କେଜି ଗଂଜେଇ ସହ ଦେଶୀ ବନ୍ଧୁକ ଜବତ ସହ ଦୁଇ ଅଭିଯୁକ୍ତକୁ ଗିରଫ କରିଛି । ସୂଚନା ମତେ ଶଗଡ଼ା ପାଣ୍ଡୀ ଅନ୍ତର୍ଗତ ସେସକାପଡା ଜଙ୍ଗଲ ନିକଟରେ ଗଂଜେଇ ଚାଲାଣ ପାଇଁ ପ୍ରସ୍ତୁତି ଚାଲିଥିବା ବେଳେ ବୌଦ୍ଧ ଏସ ପି. ରାଜ ପ୍ରସାଦ କୌଣସି ସୂତ୍ରରୁ ଖବର ପାଇ ଏକ ଟିମ ଚଢ଼ାଉ କରି ଗଂଜେଇ ଜବତ ସହ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛନ୍ତି । ଉକ୍ତ କାରବାରରେ ସାମିଲ ଥିବା ଅଭିଯୁକ୍ତ ମାନେ ହେଲେ ବାରକୁଠିଳି ଗ୍ରାମର ବବି କଆଁର ଓ ରୁଗୁଡିକନପା ଗ୍ରାମର ଦୁଃଶାସନ ସାହୁ । ଗିରଫ ହେଲା ପରେ ଦୁଇ ଅଭିଯୁକ୍ତଙ୍କୁ କେଶ ନଂ ୯୦/୨୩ ଏକ ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିବା ନେଇ ମନମୁଣ୍ଡା ଥାନା ଅଧିକାରୀ ଗୋପୀନାଥ ପଧାନ ସୂଚନା ଦେଇଛନ୍ତି ।
