ପୁରୀ : ପୁରୀରେ ପର୍ଯ୍ୟଟକଙ୍କ ଝୁଲନ୍ତା ମୃତଦେହ ଉଦ୍ଧାର । ପୁରୀ ସି-ବିଚ୍ ଥାନା ଅନ୍ତର୍ଗତ ମହିଳା ମହାବିଦ୍ୟାଳୟ ନିକଟରେ ଥିବା ଏକ ହୋଟେଲ୍ରୁ ପର୍ଯ୍ୟଟକଙ୍କ ମୃତଦେହ ଉଦ୍ଧାର ହୋଇଛି । ମୃତକ ହେଉଛନ୍ତି ଅନସ ଭି.କେ । ସେ କେରଳର ବାସିନ୍ଦା ବୋଲି ଜଣାପଡ଼ିଛି । ତେବେ ଖବର ପାଇବା ପରେ ସି ବିଚ୍ ଥାନା ପୋଲିସ ଘଟଣା ସ୍ଥଳରେ ପହଂଚି ମୃତଦେହକୁ ଉଦ୍ଧାର କରିବା ସହ ଘଟଣାକୁ ନେଇ ତଦନ୍ତ ଜାରି ରଖିଛି । ସାଇଣ୍ଟିଫିକ ତଦନ୍ତ ମଧ୍ୟ କରୁଛି । ସୂଚନା ଅନୁଯାୟୀ ଗତ ୨ ତାରିଖରେ ମୃତକ ଜଣଙ୍କ ପୁରୀ ଆସି ଏକ ହୋଟେଲ୍ରେ ରହିଥିଲେ । ଆଜି ସକାଳେ ତାଙ୍କର ଚେକ୍ ଆଉଟ ଥିଲା । ତେବେ ସେ କବାଟ ନ ଖୋଲିବାରୁ ହୋଟେଲ୍ ପକ୍ଷରୁ ପୋଲିସ୍କୁ ଖବର ଦିଆଯାଇଥିଲା । ପରେ ପୋଲିସ ପହଂଚି କବାଟ ଲକ୍ ଖୋଲି ମୃତଦେହ ଉଦ୍ଧାର କରିଥିଲେ । ତେବେ ଫ୍ୟାନରେ ମୃତଦେହଟି ଏକ ଦଉଡ଼ିରେ ଝୁଲି ଥିବା ଅବସ୍ଥାରେ ରହିଥିଲା । ତେବେ ମୃତଦେହକୁ ଉଦ୍ଧାର କରାଯାଇ ପୋଷ୍ଟ ମର୍ଟମ ପାଇଁ ପଠା ଯାଇଛି । ମୃତକଙ୍କ ପରିବାର ଲୋକଙ୍କୁ ପୋଲିସ୍ ପକ୍ଷରୁ ଖବର ଦିଆଯାଇଛି । ତାଙ୍କ ଘର ଲୋକ ଆସିବା ପରେ ତଦନ୍ତ ଆହୁରି ବ୍ୟାପକ ହେବ ବୋଲି ପୋଲିସ ପକ୍ଷରୁ କୁହାଯାଇଛି ।
