ହରଭଙ୍ଗା : ଖୋର୍ଦ୍ଧା -ବଲାଙ୍ଗୀର ୫୭ ନମ୍ବର ଜାତୀୟ ରାଜପଥ ପୁରୁଣା କଟକ ଥାନା ଆଡେଣିଗଡ ଫାଣ୍ଡି ଅଧିନସ୍ତ ମାଧପୁର ଢ଼ାବା ନିକଟରେ ଏକ ଆଜବେଷ୍ଟ ବୋଝଇ ଟ୍ରକ ଭାରସାମ୍ୟ ହରାଇବାରୁ ଏକ କାର ଉପରେ ମାଡି ବସିଥିବା ଦେଖିବାକୁ ମିଳିଥିବା ବେଳେ ଅଳ୍ପକେ ବଡ଼ ଦୁର୍ଘଟଣାରୁ ସମସ୍ତ ଯାତ୍ରୀ ଓ ଟ୍ରକ ଚାଳକ ବର୍ତ୍ତି ଯାଇଥିବା ଜଣାପଡିଛି । ସୂଚନା ମତେ ଆଜବେଷ୍ଟ ବୋଝେଇ ହୋଇ ଭୁବନେଶ୍ୱର ଅଭିମୁଖେ ଯାଉଥିବା(ଙଜ ୦୫ଇ ଇ ୮୨୯୨ ) ଟ୍ରକଟି ଚାଳକଙ୍କ ଅସବାଧନତା ପାଇଁ ଭାରସାମ୍ୟ ହରାଇଥିଲା, ଠିକ ସେହି ସମୟରେ ବିପରୀତ ଦିଗରୁ ଆସୁଥିବା(ଙଊ ୧୭କ୩୪୭୭)କାରଟି ସୋହେଲା ଅଭିମୁଖେ ଯାଉଥିବା ବେଳେ ଟ୍ରକ ଓ କାର ପାସ ହେଉଥିବା ସମୟରେ ହଠାତ ଟ୍ରକରୁ ଆଜବେଷ୍ଟ ଗୁଡିକ ପଡିବା ସହ ଟ୍ରକ ମଧ୍ୟ ଓଲଟି କାର ଉପରେ ପଡି ଯାଇଥିଲା । ଫଳରେ କାର ଉପରେ ଆଜବେଷ୍ଟ ପଡି ଗାଡିଟି ଚାପି ହୋଇ ନଷ୍ଟ ହୋଇଥିବା ବେଳେ ଗାଡିର ଥିବା ୪ଜଣ ଯାତ୍ରୀ ଓ ଟ୍ରକ ଚାଳକ ଅଳ୍ପକେ ବଡ଼ ଦୁର୍ଘଟଣାରୁ ବର୍ତ୍ତି ଯାଇଥିବା ଜଣାପଡିଛି । ଏଥିରେ କାହାର କୌଣସି କ୍ଷୟକ୍ଷତି ହୋଇନଥିବା ବେଳେ ଦୁର୍ଘଟଣାକୁ ନେଇ ଆଡେଣିଗଡ଼ ଫାଣ୍ଡି ପୋଲିସ ପହଁଚି ଉଭୟ ଗାଡିକୁ ଜବତ କରି ଦୁର୍ଘଟଣାର ତଦନ୍ତ ଜାରି ରଖିଥିବା ନେଇ ଏଏସଆଇ ବ୍ରହ୍ମାନନ୍ଦ ପ୍ରଧାନ ସୂଚନା ଦେଇଛନ୍ତି ।
