ହରଭଙ୍ଗା :ଖୋର୍ଦ୍ଧା-ବଲାଙ୍ଗୀର ୫୭ନଂ ଜାତୀୟ ରାଜପଥର ବୌଦ୍ଧ ଜିଲ୍ଲା ପୁରୁଣା କଟକ ଥାନା ଆଡେଣୀଗଡ଼ ନିକଟରେ ମର୍ମନ୍ତୁଦ ସଡକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି । ମୃତକ ହରଭଙ୍ଗା ବ୍ଲକ ଚାରିଛକର ଆଶ୍ରିବ ଖାଁ ବୋଲି ଜଣାପଡିଛି । ଘଟଣା ଅନୁଯାଇ ସୁନାଖଳାରୁ ଏକ ତେଲ ବୋଝେଇ ଟ୍ୟାଙ୍କର ଚାରିଛକ ଆସୁଥିବା ବେଳେ ଆଶ୍ରିବ ଖାଁ ବାଇକ ଯୋଗେ କୌଣସି କାର୍ଯ୍ୟରେ ଯାଉଥିବା ସମୟରେ ରଙ୍ଗାମାଟିଆ ନିକଟରେ ଟ୍ୟାଙ୍କର ଓ ବାଇକ ଧକ୍କା ହୋଇଥିଲା, ଫଳରେ ବାଇକ ଆରୋହୀଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା । ଖବର ପାଇ ପୁରୁଣାକଟକ ପୋଲିସ ଘଟଣା ସ୍ଥଳରେ ପହଂଚି ମୃତ ଶରୀର ଓ ଗାଡିକୁ ଜବତ କରି ଘଟଣାର ତଦନ୍ତ କରୁଥିବା ଜଣା ପଡିଛି ।
