ଆଟଲାଣ୍ଟା: ବିଶ୍ୱ ମାନ୍ୟତାର ୬୭ତମ ସ୍ଥାନରେ ଥିବା କେପ ଭର୍ଡେ ତା’ର ପଦାର୍ପଣ ବିଶ୍ୱକପ୍ ମ୍ୟାଚ୍ରେ ଇତିହାସ ରଚିଛି। ଟୁର୍ନାମେଣ୍ଟର ଅନ୍ୟତମ ଫେଭରିଟ ସ୍ପେନ ବିପକ୍ଷରେ ଖେଳାଯାଇଥିବା ମ୍ୟାଚ୍କୁ କେପ ଭର୍ଡେ ବିନା ଗୋଲରେ ଡ୍ର’ ଭାବେ ଶେଷ କରିଛି।
ଚଳିତ ଟୁର୍ନାମେଣ୍ଟରେ ଏହା ଏପର୍ଯ୍ୟନ୍ତ ସବୁଠୁ ବଡ଼ ବିପର୍ଯ୍ୟୟ। କେପ ଭର୍ଡେ ବିଶ୍ୱକପ୍ର ପ୍ରଥମ ମ୍ୟାଚ୍ରେ ପ୍ରଥମ ପଏଣ୍ଟ ଅର୍ଜନ କରିଛି। ଦଳର ୪୦ ବର୍ଷୀୟ ଗୋଲକିପର ଭୋଜିନ୍ହା ୨୦୧୦ ଚାମ୍ପିୟନ ସ୍ପେନ ଦଳକୁ ଗୋଟିଏ ବି ହେଲେ ଗୋଲ କରେଇ ଦେଇ ନ ଥିଲେ। ସମ୍ପୂର୍ଣ୍ଣ ଫିଟ୍ ନ ଥିବା ଲାମିନେ ୟାମାଲ ମ୍ୟାଚ୍ରେ ମାତ୍ର ୨୦ ମିନିଟ୍ ଖେଳିଥିଲେ। ସ୍ପେନକୁ ପ୍ରଥମାର୍ଦ୍ଧରେ ସୁବର୍ଣ୍ଣ ସୁଯୋଗ ମିଳିଥିଲା। ହେଲେ ଫେରାନ ଟୋରେସଙ୍କ ଶଟ୍ କ୍ରସବାରରେ ବାଜିଥିଲା। ଗତ ୧୮ ମାସରେ ପ୍ରଥମ ଥର ପାଇଁ ସ୍ପେନ କୌଣସି ମ୍ୟାଚ୍ରେ ଗୋଲ କରିବାରେ ବିଫଳ ହୋଇଛି।
