ହାମିଲଟନ: ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ତୃତୀୟ ଏକଦିବସୀୟ ମ୍ୟାଚ୍ ବର୍ଷା ଯୋଗୁଁ ବାତିଲା ହୋଇଯାଇଛି। ମଙ୍ଗଳବାର ହାମିଲଟନରେ ଲଗାତାର ବର୍ଷା ଯୋଗୁଁ ଗୋଟିଏ ବି ବଲ ପଡିନପାରେ ମ୍ୟାଚ୍ ବାତିଲା ହୋଇଗଲା। ଟସ୍ ପ୍ରଥମେ ଦୁଇ ଘଣ୍ଟାରୁ ଅଧିକ ବିଳମ୍ବ ହୋଇଥିଲା, ଭାରତ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଟସ୍ ପୂର୍ବରୁ ଓଭର ସଂଖ୍ୟା ହ୍ରାସ କରାଯାଇଥିଲା ଏବଂ ମ୍ୟାଚ୍ ପ୍ରତ୍ୟେକ ୪୦ ଓଭର କରିବାକୁ ନିଷ୍ପତ୍ତି ନିଆଯାଇଥିଲା। ତଥାପି, ଟସ୍ ପରେ ତୁରନ୍ତ ବର୍ଷା ଆସିଥିଲା, ଯାହା ଫଳରେ ମ୍ୟାଚ୍ ଆରମ୍ଭ ହୋଇପାରିନଥିଲା।
ପ୍ରାରମ୍ଭରେ ବର୍ଷା ହାଲୁକା ଦେଖାଯାଉଥିଲା, କିନ୍ତୁ ଏହା ମଝିରେ ମଝିରେ ତୀବ୍ର ହୋଇଥିଲା। ନିରନ୍ତର ବର୍ଷା ଯୋଗୁଁ ପିଚ୍ କୁ କଭରରେ ଘୋଡ଼ାଇ ରଖିବାକୁ ପଡିଥିଲା, ଏବଂ ଅମ୍ପାୟାରମାନେ ଦୁଇ କିମ୍ବା ତିନିଥର ପଡିଆ ଯାଞ୍ଚ କରିଥିଲେ। ତଥାପି, ମଝିରେ ମଝିରେ ବର୍ଷା ଯୋଗୁଁ ମ୍ୟାଚ୍ ଆରମ୍ଭ ହୋଇପାରି ନଥିଲା । କଟଅଫ୍ ସମୟରେ ଆହୁରି ସମୟ ବାକି ଥିଲା, କିନ୍ତୁ ହାମିଲଟନରେ ସାରା ଦିନ ବର୍ଷା ହେବାର ପୂର୍ବାନୁମାନ କରାଯାଇଥିଲା, ତେଣୁ ଏହାକୁ ବାତିଲା ଘୋଷଣା କରିବାକୁ ପଡିଥିଲା। ହାମିଲଟନରେ ଆରମ୍ଭରୁ ବର୍ଷା ହେବାର ପୂର୍ବାନୁମାନ କରାଯାଇଥିଲା। ଭାରତ ପାଞ୍ଚ ମ୍ୟାଚ୍ ବିଶିଷ୍ଟ ଦିନିକିଆ ସିରିଜରେ 2-0 ରେ ଆଗୁଆ ଅଛି। ଭାରତ ଏହି ମ୍ୟାଚ୍ ଜିତି ଦିନିକିଆ ସିରିଜ କବଜା କରିବାର ସୁବର୍ଣ୍ଣ ସୁଯୋଗ ପାଇଥିଲା, କିନ୍ତୁ ଟିମ୍ ଇଣ୍ଡିଆକୁ ଆହୁରି ଅପେକ୍ଷା କରିବାକୁ ପଡିଛି। ସିରିଜର ଚତୁର୍ଥ ମ୍ୟାଚ୍ ଶୁକ୍ରବାର ମାଉଣ୍ଟ ମାଉଙ୍ଗାନୁଇରେ ଖେଳାଯିବ।
