ପ୍ରିୟଙ୍କାଙ୍କ ବଡ ଘୋଷଣା, ୟୁପିରେ କଂଗ୍ରେସ ସରକାର ଆସିଲେ ଛାତ୍ରୀଙ୍କୁ ଦିଆଯିବ ସ୍ମାର୍ଟ ଫୋନ ସହ ଇଲେକ୍ଟ୍ରୋନିକ୍ ସ୍କୁଟି
କଂଗ୍ରେସ ଦଳର ଜାତୀୟ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା ଉତ୍ତରପ୍ରଦେଶରେ ୨୦୨୨ ବିଧାନସଭା ନିର୍ବାଚନରେ କଂଗ୍ରେସକୁ ମୁଖ୍ୟ ସ୍ରୋତରେ ପହଞ୍ଚାଇବା ଉଦ୍ୟମ ଆରମ୍ଭ କରିଛନ୍ତି । ଉତ୍ତରପ୍ରଦେଶର ଦାୟିତ୍ୱରେ ଥିବା ପ୍ରିୟଙ୍କା ଗାନ୍ଧୀ ପାର୍ଟିର ନିର୍ବାଚନୀ ଇସ୍ତାହାର ପ୍ରସ୍ତୁତ ହେବା ପୂର୍ବରୁ ଛାତ୍ରୀମାନଙ୍କ ପାଇଁ ଏକ ବଡ଼ ଘୋଷଣା କରିଛନ୍ତି ।
ବୁଧବାର ଦିନ ଲକ୍ଷେ୍ନା÷÷ରୁ ଆଗ୍ରା ଅଭିମୁଖେ ଯାତ୍ରା କରୁଥିବା ବେଳେ ମହିଳା ପୋଲିସ କର୍ମଚାରୀଙ୍କ ସହ ସେଲଫି ନେବା ଏବଂ ଆହତ ଛାତ୍ରୀଙ୍କୁ ବ୍ୟାଣ୍ଡେଜ ବାନ୍ଧିବା ପରେ ପ୍ରିୟଙ୍କା ଗାନ୍ଧୀ ଭଦ୍ରା ଗୁରୁବାର ଏକ ବଡ ପଦକ୍ଷେପ ନେଇଛନ୍ତି । ଉତ୍ତରପ୍ରଦେଶ ବିଧାନସଭା ନିର୍ବାଚନରେ ମହିଳାମାନଙ୍କୁ ୪୦ ପ୍ରତିଶତ ସିଟ୍ ଦିଆଯିବ ବୋଲି ଘୋଷଣା କରିବା ପରେ ସେ ବର୍ତ୍ତମାନ ଛାତ୍ରୀମାନଙ୍କୁ ଏକ ଖୁସି ପ୍ରତିଶୃତି ଦେଇଛନ୍ତି ।
ପ୍ରିୟଙ୍କା ଗାନ୍ଧୀ ଭଦ୍ରା ଗୁରୁବାର ଏକ ଟୁଇଟ୍ କରିଛନ୍ତି । ଯେଉଁଥିରେ ସେ କହିଥିଲେ ଯେ ଗତକାଲି ମୁଁ କିଛି ଛାତ୍ରୀଙ୍କୁ ଭେଟିଥିଲି । ପଢିବା ଏବଂ ସୁରକ୍ଷା ପାଇଁ ତାଙ୍କୁ ସ୍ମାର୍ଟଫୋନ୍ ଦରକାର ବୋଲି ସେମାନେ କହିଥିଲେ । ମୁଁ ଖୁସି ଯେ ଘୋଷଣା କମିଟିର ସହମତିରେ ଆଜି ଉତ୍ତରପ୍ରଦେଶ କଂଗ୍ରେସ ନିଷ୍ପତ୍ତି ନେଇଛି ଯେ ସରକାର ଗଠନ ହେଲେ ଇଣ୍ଟର ପାସ୍ ଝିଅମାନଙ୍କୁ ସ୍ମାର୍ଟଫୋନ୍ ଏବଂ ସ୍ନାତକ ପାସ କରିଥିବା ଛାତ୍ରୀମାନଙ୍କୁ ଇଲେକ୍ଟ୍ରୋନିକ୍ ସ୍କୁଟି ଦିଆଯିବ । କଂଗ୍ରେସ ଏହାକୁ ଶୀଘ୍ର କାର୍ଯ୍ୟକାରୀ କରିବ ।
