ନୂଆଦିଲ୍ଲୀ : ସଂସଦର ମୌସୁମୀ ଅଧିବେଶନରେ ହଙ୍ଗାମା ଏବଂ ବିଶୃଙ୍ଖଳା ଆଚରଣ ଯୋଗୁଁ ରାଜ୍ୟସଭାର ବାରଜଣ ସାଂସଦଙ୍କୁ ନିଲମ୍ବିତ କରାଯାଇଛି । ଶୀତ ଅଧିବେଶନର ବାକି ଥିବା କାର୍ଯ୍ୟ ଦିବସରେ ଏହି ସାଂସଦମାନେ ସାମିଲ ହୋଇପାରିବେ ନାହିଁ । ଏହା ସହିତ ଶୀତ ଅଧିବେଶନର ପ୍ରକ୍ରିୟା ଆସନ୍ତାକାଲି ପର୍ଯ୍ୟନ୍ତ ସ୍ଥଗିତ ରଖାଯାଇଛି । ଯେଉଁମାନେ ନିଲମ୍ବିତ ହୋଇଛନ୍ତି ସେମାନଙ୍କ ମଧ୍ୟରେ କଂଗ୍ରେସ, ଟିଏମସି, ଶିବସେନା, ସିପିଏମର ସାଂସଦ ଅଛନ୍ତି ।
ନିଲମ୍ବିତ ହୋଇଥିବା ୧୨ ଜଣ ସାଂସଦଙ୍କ ମଧ୍ୟରେ ସିପିଏମର ଇଲାମାରନ କରିମ ଏବଂ କଂଗ୍ରେସର ଫୁଲୋ ଦେବୀ ନେତା, ଛାୟା ବର୍ମା, ଆର ବୋରା, ରାଜାମଣି ପଟେଲ, ସୟଦ ନାସିର ହୁସେନ୍, ଅଖିଳେଶ ପ୍ରତାପ ସିଂ ଏବଂ ସିପିଆଇର ବିନୋ ବିଶ୍ୱାମ, ଟିଏମସିର ଦୋଲା ସେନା ଏବଂ ଶାନ୍ତି ଛେତ୍ରୀ ଅଛନ୍ତି । ଶିବସେନାର ପ୍ରିୟଙ୍କା ଚତୁର୍ବେଦୀ ଏବଂ ଅନିଲ ଦେଶାଇ ଏଥିରେ ଜଡିତ ଅଛନ୍ତି ।
ସୂଚନାଯୋଗ୍ୟ ଯେ, ଜୁଲାଇ ୧୯ ରେ ଆରମ୍ଭ ହୋଇଥିବା ସଂସଦର ମୌସୁମୀ ଅଧିବେଶନ କାର୍ଯ୍ୟସୂଚୀକୁ ଦୁଇ ଦିନ ପୂର୍ବରୁ ସ୍ଥଗିତ ରଖାଯାଇଥିଲା । ପେଗାସସ୍ ଗୁପ୍ତଚର ମାମଲା ଏବଂ ତିନୋଟି କୃଷି ଆଇନ ସମେତ ବିଭିନ୍ନ ପ୍ରସଙ୍ଗରେ ବିରୋଧୀ ଦଳଙ୍କ ଆନ୍ଦୋଳନ ହେତୁ ଲୋକସଭାରେ ମାତ୍ର ୨୨ ପ୍ରତିଶତ କାର୍ଯ୍ୟ ଏବଂ ରାଜ୍ୟସଭାରେ ମାତ୍ର ୨୮ ପ୍ରତିଶତ କାର୍ଯ୍ୟ କରାଯାଇଥିଲା ।
