ନୂଆଦିଲ୍ଲୀ: ଏକ ଫୁଟବଲ ମ୍ୟାଚ ବେଳେ ଷ୍ଟାଡିୟମରେ ଘଟିଛି ଅଭାବନୀୟ ଘଟଣା । ମ୍ୟାଚ ଫଳାଫଳକୁ ନେଇ ଉତ୍ତ୍ୟକ୍ତ ଦର୍ଶକମାନେ ଏଭଳି ହିଂସା ଘଟାଇଥିଲେ ଯେ ତାହାକୁ ନିୟନ୍ତ୍ରଣ କରିବା ପୁଲିସ ପକ୍ଷେ ଅସମ୍ଭବ ହୋଇପଡ଼ିଥିଲା । ଏହି ହିଂସାରୁ ଦଳାଚକଟା ଆରମ୍ଭ ହୋଇଯାଇଥିଲା । ଏଥିରେ ୧୭୪ଜଣ ପ୍ରାଣ ହରାଇଛନ୍ତି । । ୧୦୦ରୁ ଅଧିକ ଆହତ ହୋଇଛନ୍ତି । ଗତକାଲି ଇଣ୍ଡୋନେସିଆରେ ଇଷ୍ଟ ଜାଭା ସ୍ଥିତ କାଞ୍ଜୁରୁହାନ୍ ଷ୍ଟାଡିୟମରେ ଆରେମା ଏଫ୍ସି ଓ ପେସେବାୟା ସୁରବାୟା ଟିମ୍ ମଧ୍ୟରେ ମ୍ୟାଚ ହେଉଥିଲା । କିନ୍ତୁ ମ୍ୟାଚ ପରେ ପରାଜିତ ଦଳର ସମର୍ଥକମାନେ ପଡିଆ ଭିତରକୁ ପଶିଥିଲେ । ସେମାନେ କିଛି ଲୋକଙ୍କୁ ଉତ୍ତ୍ୟକ୍ତ ହୋଇ ଆକ୍ରମଣ କରିଥିଲେ । ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ପୁଲିସ ପକ୍ଷରୁ ଲୁହବୁହା ଗ୍ୟାସ ପ୍ରୟୋଗ କରାଯାଇଥିଲା । ଏଥିସହ ପୁଲିସ ଲାଠିଚାର୍ଜ ମଧ୍ୟ କରିଥିଲା । ଏହାପରେ ଷ୍ଟାଡିୟମରେ ଦଳାଚକଟା ପରିସ୍ଥିତି ସୃଷ୍ଟି ହୋଇଥିଲା । ଏଥିରେ ଅନେକ ଲୋକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ମୃତକଙ୍କ ମଧ୍ୟରେ ପୁଲିସକର୍ମୀ ମଧ୍ୟ ଥିବା ଜଣାପଡିଛି । ଘଟଣାସ୍ଥଳରୁ ସାମ୍ନାକୁ ଆସିଥିବା ଏକ ଭିଡିଓରେ ଷ୍ଟାଡିୟମର ବିଭିନ୍ନ ସ୍ଥାନରେ ମୃତଦେହ ଗୁଡିକ ପଡି ରହିଥିବା ଦେଖିବାକୁ ମିଳିଛି । ଷ୍ଟାଡିୟମରେ ୪୦ଜଣଙ୍କର ମୃତ୍ୟୁ ହୋଇଥିବା ବେଳେ ୮୦ଜଣଙ୍କର ମେଡିକାଲରେ ମୃତ୍ୟୁ ହୋଇଥିବା ସୂଚନା ମିଳିଛି । ପ୍ରଶାସନ ପକ୍ଷରୁ ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦିଆଯିବା ସହ ସପ୍ତାହକ ପାଇଁ ଫୁଟବଲ୍ ଲିଗକୁ ବାତିଲ କରି ଦିଆଯାଇଛି ।
ଉଲ୍ଲେଖଯୋଗ୍ୟ ଯେ ୫୮ ବର୍ଷ ପୂର୍ବେ ପେରୁର ଜାତୀୟ ଷ୍ଟାଡିୟମରେ ମ୍ୟାଚ୍ ପରେ ଏଭଳି ହିଂସା ଘଟିଥିଲା । ଏଥିରେ ୩୨୦ ଜଣଙ୍କର ମୃତ୍ୟୁ ଘଟିଥିଲା । ଏହା ସବୁଠାରୁ ବଡ ହିଂସା ଥିଲା । ଏହା ୫୮ ବର୍ଷ ପୂର୍ବେ ୨୪ ମଇ ୧୯୬୪ ରେ ଘଟିଥିଲା । ପେରୁର ଜାତୀୟ ଷ୍ଟାଡିୟମରେ ଏହି ମ୍ୟାଚ୍ ଖେଳାଯାଉଥିଲା । ଏହି ମ୍ୟାଚ୍ ଆର୍ଜେଣ୍ଟିନା ଏବଂ ପେରୁ ମଧ୍ୟରେ ହୋଇଥିଲା । ମ୍ୟାଚ୍ ଶେଷ ହେବାର ୨ ମିନିଟ୍ ପୂର୍ବରୁ ଆର୍ଜେଣ୍ଟିନା ୧-୦ରେ ଆଗୁଆ ରହିଥିଲା । ତା’ପରେ ପେରୁ ଗୋଲ କରିଥିଲା । ଚଳାଇଲା କିନ୍ତୁ ମ୍ୟାଚ୍ ରେଫରି ଗୋଲକୁ ଅବୈଧ ଘୋଷଣା କରିଥିଲେ । ଏହା ପେରୁକୁ ଅଲିମ୍ପିକ୍ସରୁ ବାଦ ଦେଇଥିଲା । ପେରୁ ଅଲିମ୍ପିକ୍ସ ବାହାରେ ଥିଲା । କ୍ରୋଧିତ ପେରୁଆ ପ୍ରଶଂସକମାନେ ଭୂମିରେ ଆସି ବିଶୃଙ୍ଖଳା ସୃଷ୍ଟି କରିବା ଆରମ୍ଭ କଲେ । ଏହାର ପ୍ରତିଶୋଧ ନେବାକୁ ପୋଲିସ ଲୁହବୁହା ଗ୍ୟାସ ଗୁଳି ଚଳାଇ ଦୁଷ୍କର୍ମକାରୀଙ୍କୁ ଘଉଡ଼ାଇଥିଲା । ଫଳରେ ସେଠାରେ ଦଳାଚକଟା ହୋଇଥିଲା । ଏହି କାରଣରୁ ୩୨୦ ଲୋକ ପ୍ରାଣ ହରାଇଲେ ।
