ନୂଆଦିଲ୍ଲୀ : ରାଜଧାନୀର ଏକ ରେସ୍ତୋରାଁରେ ନିଆଁ ଲାଗି ଚାଲିଗଲା 21 ଜଣଙ୍କ ଜଣଙ୍କ ଜୀବନ। ବୁଧବାର ଏହି ଅଘଟଣ ଘଟିଛି।ଆଜି ସକାଳେ ଦିଲ୍ଲୀର ମାଲବ୍ୟ ନଗରର ହୌଜ ରାଣୀରେ ଥିବା ଲେମନ୍ ଗ୍ରୀନ୍ ରେଷ୍ଟୁରାଣ୍ଟରେ ଏକ ଭୟଙ୍କର ଅଗ୍ନିକାଣ୍ଡ ଘଟିଥିଲା। ଅଗ୍ନିକାଣ୍ଡ ସମ୍ପର୍କରେ ସୂଚନା ପାଇବା ମାତ୍ରେ ୧୦ଟି ଅଗ୍ନିଶମ ବାହିନୀ ଗାଡ଼ି ତୁରନ୍ତ ଘଟଣାସ୍ଥଳକୁ ପହଞ୍ଚିଥିଲା। ଶୀଘ୍ର ନିଆଁକୁ ନିୟନ୍ତ୍ରଣ କରାଯାଇଥିଲା। ଘଟଣାସ୍ଥଳରେ ଅଗ୍ନିଶମ ବାହିନୀ ଗାଡ଼ି ଉପସ୍ଥିତ ଅଛି। ଏହି ଅଗ୍ନିକାଣ୍ଡ ଯୋଗୁଁଁ ଏପର୍ଯ୍ୟନ୍ତ 21 ଜଣଙ୍କ ମୃତ୍ୟୁ ଘଟିଛି ଏବଂ ୩୮ ଜଣ ଆହତ ହୋଇଛନ୍ତି।
ରେଷ୍ଟୁରାଣ୍ଟ ଉପରେ ଏକ ଅତିଥି ଭବନ ମଧ୍ୟ ଥିଲା, ଯେଉଁଥିରେ ବିଦେଶୀ ନାଗରିକମାନେ ରହୁଥିଲେ। ମ୍ୟାକ୍ସ ହସ୍ପିଟାଲ ରେଷ୍ଟୁରାଣ୍ଟର ଠିକ୍ ବିପରୀତ ଦିଗରେ ଅବସ୍ଥିତ। ସେଠାରେ ଚିକିତ୍ସାଧୀନ ରୋଗୀଙ୍କ ପରିଚାରିକାମାନେ ଏହି ଅତିଥି ଭବନରେ ରହୁଥିଲେ। ଘଟଣା ସମୟରେ ରେଷ୍ଟୁରାଣ୍ଟରେ ଜଳଖିଆ ପରିବେଷଣ କରାଯାଉଥିଲା। 60 ରୁ ଅଧିକ ଲୋକ ଉପସ୍ଥିତ ଥିଲେ। ରେଷ୍ଟୁରାଣ୍ଟ ବ୍ୟତୀତ, ବେସମେଣ୍ଟରେ ଅନେକ କୋଠରୀ ମଧ୍ୟ ଅଛି ଯେଉଁଠାରେ ଲୋକମାନେ ଉପସ୍ଥିତ ଥିଲେ।
