ମହିସାଗର : ଗୁଜୁରାଟର ମହିସାଗର ଜିଲ୍ଲାରେ ଏକ ଅଜବ ଘଟଣା ଘଟିଛି । ଯାହା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି । ଏଠାରେ ଜଣେ ବୃଦ୍ଧଙ୍କୁ ସାପ କାମୁଡ଼ି ଦେବାରୁ ପ୍ରତିଶୋଧ ନେବା ପାଇଁ ସାପକୁ କାମୁଡ଼ି ଦେଇଥିଲେ ବୃଦ୍ଧ । ଯାହା ପରେ ଦୁହେଁ ମୃତ୍ୟୁବରଣ କରିଥିବା ଜଣା ପଡ଼ିଛି ।
![hiring](https://hiranchallive.in/wp-content/uploads/2021/10/WhatsApp-Image-2021-10-19-at-9.23.48-PM.jpeg)
![](https://uddratimes.com/wp-content/uploads/2019/07/Diadophis-punctatus-6.28.02-Kennesaw-Mtn.-NB-GA-3-copy-1024x672.jpg)
ଅଜନଓ୍ଵା ଗାଁର ସରପଞ୍ଚଙ୍କ ଅନୁଯାୟୀ, ଚାଷ ଜମିରେ ଟ୍ରକରେ ମକା ଲଦା ଯାଉଥିଲା । ଏ ସମୟରେ ସାପ ବାହାରି ଆସିବାରୁ ଉପସ୍ଥିତ ଲୋକେ ସେଠାରୁ ଚାଲି ଆସିଥିଲେ । କିନ୍ତୁ ଅନେକ ଥର ସାପ ଧରିଥିବା ଦାବି କରି ସେଠାରେ ଠିଆ ହୋଇ ରହିଥିଲେ ୬୦ବର୍ଷୀୟ ପର୍ବତ ଗାଲା ବାରିଆ । ସାପକୁ ଧରିବାରୁ ସାପଟି ପର୍ବତଙ୍କ ମୁହଁ ଏବଂ ହାତକୁ କାମୁଡ଼ି ଦେଇଥିଲା । ଏହା ଦେଖି ରାଗରେ ପର୍ବତ ସାପକୁ କାମୁଡ଼ି ଦେବାରୁ ସାପର ମୃତ୍ୟୁ ହୋଇଥିଲା । ପରେ ପର୍ବତଙ୍କୁ ତୁରନ୍ତ ଡାକ୍ତରଖାନା ନିଆଯାଇ ତାଙ୍କର ଚିକିତ୍ସା କରାଯାଇଥିଲେ ମଧ୍ୟ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା ।
![hiranchal ad1](https://hiranchallive.in/wp-content/uploads/2021/05/hiranchal-advertisement.jpeg)