ବଟଲର ଓ ମଲାନ ଯୋଡିଙ୍କ ବିଶ୍ୱ ରେକର୍ଡ ଭାଙ୍ଗିଲେ ହୁଡା-ସାମସନ ଯୋଡି

0 83

ନୂଆଦିଲ୍ଲୀ : ମଙ୍ଗଳବାର ଦ୍ୱିତୀୟ ଟି-୨୦ ଅନ୍ତର୍ଜାତୀୟ ମ୍ୟାଚରେ ଆୟର୍ଲାଣ୍ଡ ବିପକ୍ଷ ଦ୍ୱିତୀୟ ୱିକେଟ୍‌ ପାଇଁ ଦୀପକ ହୁଡା ଏବଂ ସଞ୍ଜୁ ସାମସନ ୧୭୬ ରନ୍‌ ଭାଗିଦାରୀ କରିଥିଲେ । ଏହି ସହଭାଗୀତା ସହିତ ଉଭୟ ଏକ ବଡ଼ ବିଶ୍ୱ ରେକର୍ଡ ଭାଙ୍ଗିଛନ୍ତି । ଟି -୨୦ ଇଣ୍ଟରନ୍ୟାସନାଲରେ ଦ୍ୱିତୀୟ ୱିକେଟ୍‌ ପାଇଁ ସର୍ବାଧିକ ଭାଗିଦାରୀ ପାଇଁ ବିଶ୍ୱ ରେକର୍ଡ ବର୍ତ୍ତମାନ ଉଭୟଙ୍କ ନାମରେ ରେକର୍ଡ ହୋଇଛି, ଏହା ପୂର୍ବରୁ ଏହି ରେକର୍ଡ ଇଂଲଣ୍ଡର ଜୋସ୍‌ ବଟଲର ଏବଂ ଡେଭିଡ ମଲାନଙ୍କ ଯୋଡିଙ୍କ ନାମରେ ରହିଥିଲା । ୨୦୨୦ ରେ ଦକ୍ଷିଣ ଆଫ୍ରିକା ବିପକ୍ଷ ଦ୍ୱିତୀୟ ୱିକେଟ୍‌ ପାଇଁ ବଟଲର୍‌ ଏବଂ ମାଲାନ୍‌ ୧୬୭ ରନ୍‌ ଭାଗିଦାରୀ କରିଥିଲେ । ସେହିପରି ରୋହିତ ଶର୍ମା ଏବଂ କେ.ଏଲ୍‌ ରାହୁଲଙ୍କ ଯୋଡିଙ୍କ ଏକ କୀର୍ତ୍ତିମାନ ମଧ୍ୟ ହୁଡା ଏବଂ ସାମସନ୍‌ ମଧ୍ୟ ଅତିକ୍ରମ କରିବାରେ ସଫଳ ହୋଇଛନ୍ତି ।
ଟି-୨୦ ଇଣ୍ଟରନ୍ୟାସନାଲରେ ଭାରତ ପାଇଁ ଯେକୌଣସି ୱିକେଟ୍‌ ପାଇଁ ସର୍ବାଧିକ ଭାଗିଦାରୀ ପାଇଁ ରେକର୍ଡ ଏହି ମ୍ୟାଚ୍‌ ପୂର୍ବରୁ ରୋହିତ ଏବଂ କେ.ଏଲ୍‌ ରାହୁଲଙ୍କ ନାମରେ ଥିଲା । ମିଳିତ ଭାବେ ସେମାନେ ୨୦୧୭ ରେ ଶ୍ରୀଲଙ୍କା ବିପକ୍ଷରେ ୧୬୫ ରନ୍‌ ଯୋଡିଥିଲେ । ବର୍ତ୍ତମାନ ଭାରତ ପକ୍ଷରୁ ଯେକୌଣସି ୱିକେଟ୍‌ ପାଇଁ ସର୍ବୋଚ୍ଚ ଭାଗିଦାରୀର ରେକର୍ଡ ହୁଡା ଏବଂ ସାମସନ୍‌ ନାମରେ ମଧ୍ୟ ପଞ୍ଜିକୃତ ହୋଇଛି । ହୁଡା ୧୦୪ ରନ୍‌ କରିଥିବାବେଳେ ସାମସନ୍‌ ୭୭ ରନର ଇନିଂସ ଖେଳିଥିଲେ, ଯାହା ଆଧାରରେ ଭାରତ ୨୦ ଓଭରରେ ସାତୋଟି ୱିକେଟ୍‌ ପାଇଁ ୨୨୫ ରନ୍‌ ସଂଗ୍ରହ କରିଥିଲା ।
ଏହାର ଜବାବରେ ଆୟର୍ଲାଣ୍ଡର ଦଳ ୨୦ ଓଭରରେ ପାଞ୍ଚ ଉଇକେଟ ହରାଇ ୨୨୧ ସ୍କୋର କରିପାରିଥିଲା ଏବଂ ଭାରତ ଚାରି ରନ୍‌ରେ ମ୍ୟାଚ୍‌ ଜିତିଥିଲା । ଏହି ପରିପ୍ରେକ୍ଷୀରେ ଭାରତ ଦୁଇ ମ୍ୟାଚ୍‌ ବିଶିଷ୍ଟ ସିରିଜରେ ୨-୦ କ୍ଲିନ୍‌ ସୁଇପ୍‌ କରିନେଇଛି । ପ୍ରଥମ ମ୍ୟାଚରେ ଦୀପକ ୨୯ ଟି ବଲରେ ୪୭ ରନ୍‌ କରିଥିଲେ । ଏହିପରି ଭାବରେ ସେ ଉଭୟ ମ୍ୟାନ୍‌ ଅଫ୍‌ ଦି ମ୍ୟାଚ୍‌ ଏବଂ ମ୍ୟାନ୍‌ ଅଫ୍‌ ଦି ସିରିଜ୍‌ ପୁରସ୍କାର ପାଇଥିଲେ । ଭାରତ ପାଇଁ ଟି -୨୦ ଇଣ୍ଟରନ୍ୟାସନାଲରେ ଶତକ ହାସଲ କରିବାରେ ହୁଡା କେବଳ ଚତୁର୍ଥ ବ୍ୟାଟ୍ସମ୍ୟାନ୍‌ । ତାଙ୍କ ପୂର୍ବରୁ କେବଳ ସୁରେଶ ରାଇନା, ରୋହିତ ଶର୍ମା ଏବଂ କେ.ଏଲ୍‌ ରାହୁଲ ଏହା କରିବାରେ ସକ୍ଷମ ହୋଇଛନ୍ତି ।

hiranchal ad1
Leave A Reply

Your email address will not be published.

7 − 6 =