ସୁବର୍ଣ୍ଣପୁର: ସୋନପୁରରେ ଆଜି ଆତ୍ମ ନିର୍ଭର କୃଷକ ଅଭିଯାନ ରଥ ଶୁଭ ଉଦଘାଟନ ସୋନପୁର ପୌର ପରିଷଦ ଅଧ୍ୟକ୍ଷା ତାମସୀ ତାମସ୍ମିତା ନାୟକଙ୍କ ଦ୍ୱାରା ଅନୁଷ୍ଠିତ ହୋଇଛି । ଏହା ୧୨ ଅକ୍ଟୋବରରୁ ୨୧ ଅକ୍ଟୋବର ପର୍ଯ୍ୟନ୍ତ ଜିଲ୍ଲାର ବିଭିନ୍ନ ଅଞ୍ଚଳକୁ ଗସ୍ତ କରି ସଚେତନତାର ବାର୍ତ୍ତା ପହଞ୍ଚାଇବ । ଏହି ୧୦ଦିନ ବ୍ୟାପୀ ଚାଲିବାକୁ ଥିବା ଅଭିଯାନରେ ୧୪ ଟି ପଞ୍ଚାୟତରର ୧୨୦ଟି ଗାଁକୁ ଯିବ । ଏହି ଅଭିଯାନର ଲକ୍ଷ୍ୟ ହେଉଛି ସ୍ୱର୍ଣ୍ଣିମ ଭାରତର ପରିକଳ୍ପନା ସହିତ କୃଷକମାନଙ୍କ ଆର୍ଥିକ, ସାମାଜିକ ତଥା ମାନସିକ ସ୍ଥିତିର ଉନ୍ନତି ଓ ସଶକ୍ତିକରଣ ତଥା ଆତ୍ମନିର୍ଭର ହେବା ପାଇଁ ସଚେତନ କରିବା ହିଁ ମୂଳଲକ୍ଷ୍ୟ ବୋଲି ଆୟୋଜକ ଅନୁଷ୍ଠାନର ଭଉଣୀ ଓ ଭାଇଙ୍କ ସୁତ୍ରରୁ ପ୍ରକାଶ ।
