ସୁବର୍ଣ୍ଣପୁର: ସୋନପୁର ମହାବିଦ୍ୟାଳୟ ଓଡିଆ ବିଭାଗରେ ଛାତ୍ରୀଙ୍କ ଅପୂର୍ବ ସଫଳତା । ସମ୍ବଲପୁର ବିଶ୍ୱବିଦ୍ୟାଳୟ ସ୍ନାତକ ପରୀକ୍ଷା ୨୦୨୧ ରେ ସୋନପୁର ମହାବିଦ୍ୟାଳୟ ଓଡିଆ ସମ୍ମାନର ଛାତ୍ରୀ ଜ୍ୟୋତିର୍ମୟୀ ବାରିକ ନବମ ସ୍ଥାନ ହାସଲ କରି ମହାବିଦ୍ୟାଳୟ ପାଇଁ ଗୌରବ ଆଣି ଦେଇଛନ୍ତି । ସେ ଏହି ପରୀକ୍ଷା ରେ ୮ .୫ ଗ୍ରେଡ୍ ପଏଣ୍ଟ ପାଇ ପାରିଛନ୍ତି । ଏଥିପାଇଁ ତାଙ୍କୁ ମହାବିଦ୍ୟାଳୟର ଅଧ୍ୟକ୍ଷ ଏବଂ ଓଡିଆ ବିଭାଗ ମୁଖ୍ୟ ଡକ୍ଟର ସୌରଭ ରଞ୍ଜନ ଖମାରୀ ଅଭିନନ୍ଦନ ଜଣାଇଛନ୍ତି । କୁମାରୀ ବାରିକ ଏହି ସଫଳତା ଓଡିଆ ବିଭାଗ ମୁଖ୍ୟ ଡକ୍ଟର ସୌରଭ ରଞ୍ଜନ ଖମାରୀ ତଥା ଅନ୍ୟ ଅଧ୍ୟାପକ, ଅଧ୍ୟାପିକା ମାନଙ୍କ ପ୍ରେରଣା, ଶିକ୍ଷା ଦାନ ଓ ଦିଗ୍ଦର୍ଶନ ଯୋଗୁଁ ସମ୍ଭବ ହୋଇପାରିଛି ବୋଲି କହିଛନ୍ତି । ସୂଚନା ଯୋଗ୍ୟ ଯେ କୁମାରୀ ବାରିକ କେବଳ ପାଠ ପଢା ନୁହେଁ, ଅନ୍ୟ ଦିଗ ମାନ ଯଥା ସୃଜନଶୀଳ ଲିଖନ,ବକ୍ତୃତାରେ ମଧ୍ୟ ଅନେକ ପୁରସ୍କାର ପାଇଛନ୍ତି ।
