ସୁବର୍ଣ୍ଣପୁର,୨/୭: ଆଜି ସୁବର୍ଣ୍ଣପୁର ଜିଲ୍ଲା ସଦର ବ୍ଲକ ଅନ୍ତର୍ଗତ ସାହାଜପିଟା ଗ୍ରାମ ଠାରେ ଜିଲ୍ଲାପାଳ ଅବୋଲୀ ସୁନିଲ ନରୱଣେ ସୀତାରାମ ମହିଳା ସ୍ୱୟଂ ସହାୟକ ଗୋଷ୍ଠୀ ଦ୍ୱାରା ସ୍ଥାପିତ ଛତୁମଞ୍ଜି ଉତ୍ପାଦନ କେନ୍ଦ୍ରର ଶୁଭ ଉଦଘାଟନ କରିଛନ୍ତି । ଓଡିଶା ସରକାରଙ୍କ ମିଶନ ଶକ୍ତି ଫେଡେରେସନ ତରଫରୁ ୩ ଲକ୍ଷ ଏବଂ ପ୍ରଧାନମନ୍ତ୍ରୀ ନିଶ୍ଚିତ କର୍ମନିଯୁକ୍ତି ଯୋଜନା ୨୦୨୧ -୨୨ ବର୍ଷରେ ଏସ ବି ଆଇ, ସୋନପୁର ର ଆର୍ଥିକ ସହଯୋଗରେ ସାହାଜପିଟା ର ସୀତାରାମ ମହିଳା ସ୍ୱୟଂ ସହାୟକ ଗୋଷ୍ଠୀ ଦ୍ୱାରା ସ୍ଥାପିତ ସୀତାରାମ ଛତୁମଞ୍ଜି ଉତ୍ପାଦନ କେନ୍ଦ୍ର ଉଦଘାଟନ ଅବସରରେ ମୁଖ୍ୟଅତିଥି ଜିଲ୍ଲାପାଳ ସୁବର୍ଣ୍ଣପୁର ତଥା ମଂଚାସୀନ ଅତିଥି ପ୍ରକଳ୍ପ ନିର୍ଦ୍ଦେଶକ, ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ନିହାର ରଞ୍ଜନ କଁହର, ଜିଏମ. ଡି ଆଇ ସି ବଳଭଦ୍ର ନାୟକ, ଜିଲ୍ଳା ସମାଜ କଲ୍ୟାଣ ଅଧିକାରୀ ଗୌରମଣି ହାଁସଦା, ମୁଖ୍ୟ ପରିଚାଳକ ଏସ ବି ଆଇ, ସୋନପୁର, ସମ୍ପୃକ୍ତ ଗୋଷ୍ଠୀ ର ମାଁ ମାନଙ୍କୁ ଉତ୍ସାହିତ କରିବା ସହ ସେମାନଙ୍କ କେନ୍ଦ୍ର ଦ୍ୱାରା ଉତ୍ପାଦିତ ମଞ୍ଜି ଜିଲ୍ଲା ତଥା ପଡୋଶୀ ଜିଲ୍ଲାର ଛତୁ ଚାଷୀଙ୍କୁ ମଧ୍ୟ ଯେପରି ଉପଲବ୍ଧ ହୋଇପାରିବ ସେଥିପ୍ରତି ଯତ୍ନବାନ ହେବା ସହିତ ଜୀବନରେ ଆଗକୁ ବଡ ସଫଳତା ପାଇଁ ପ୍ରଚେଷ୍ଟା ନିମନ୍ତେ ନିରନ୍ତର କାର୍ଯ୍ୟ କରିବାକୁ ପରାମର୍ଶ ଦେଇଛନ୍ତି । ଏହି ଉଦଘାଟନ ଅବସରରେ ଏଡିଏଚ ସୋନପୁର, ହୃଷିକେଶ ଦାଶ, ରେଆର ପ୍ରତିଷ୍ଠାତା ଗୌରୀଶ୍ୟାମ ପଣ୍ଡା, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଅଶ୍ୱିନୀ କୁମାର ଭୋଇ, ରେଆର ସାଧାରଣ ସମ୍ପାଦକ ଅନଙ୍ଗ ନେଗୀ, ଆଇ ପି ଓ ଦେବାଶିଷ ମିଶ୍ର, ସି ଡି ପି ଓ ନିବେଦିତା ସରାଫ, ବି ପି ସି ସୁବାଷ ଚନ୍ଦ୍ର ବିଶି, ବି ପି ଏମ ସୁବ୍ରତ କୁମାର ମେହେର, ସୀତାରାମ ଛତୁମଞ୍ଜି ଉତ୍ପାଦନ କେନ୍ଦ୍ରର ସଭାନେତ୍ରୀ, ସମ୍ପାଦିକା ଓ ସମସ୍ତ ସଦସ୍ୟା ପ୍ରମୁଖ ଉପସ୍ଥିତ ଥିଲେ । ବର୍ତ୍ତମାନ ସୀତାରାମ ଛତୁ ମଞ୍ଜି ଉତ୍ପାଦନ କେନ୍ଦ୍ରର ଦୈନିିକ ମଞ୍ଜି ଉତ୍ପାଦନ କ୍ଷମତା ୨୪୦ ବୋତଲ ରହିଥିବାବେଳେ ଏହା ଜିଲ୍ଲାରେ ପ୍ରଥମ ଛତୁ ମଞ୍ଜି ଉତ୍ପାଦନ କେନ୍ଦ୍ର । ଏହି କେନ୍ଦ୍ରରେ ବର୍ତ୍ତମାନ ୧୨୫୦ଟି ଛତୁ ବେଡ଼ରୁ ଦୈନିକ ୫୦ କେଜିରୁ ଉର୍ଦ୍ଧ ଛତୁ ମଧ୍ୟ ଉତ୍ପାଦିତ ହେଉଥିବା ସୂଚନା ଦିଆଯାଇଛି । ଆଜି ଅନୁଷ୍ଠିତ ସାଧାରଣ ସଭାକୁ ଡି ପି ସି ମିଶନ ଶକ୍ତି କାର୍ତ୍ତିକ ନାୟକ ପରିଚାଳନା କରିଥିବାବେଳେ ଡେପୁଟି ସି ଇ ଓ ଓରମାସ ଯୁବରାଜ ସାହୁ ଧନ୍ୟବାଦ ଅର୍ପଣ କରିଥିଲେ । ପରେ ଜିଲ୍ଲାପାଳ ତଥା ଅନ୍ୟାନ୍ୟ ଅଧିକାରୀ ହରଡଖୋଲ ଛକ ପାଖରେ ଥିବା ତାରାତାରିଣୀ ବେକେରି ମଧ୍ୟ ପରିଦର୍ଶନ କରିଥିଲେ ।
