କେପଟାଉନ : ଆସନ୍ତାକାଲିଠାରୁ ଏଠାରେ ଆରମ୍ଭ ହେବ ଭାରତ-ଦକ୍ଷିଣ ଆଫ୍ରିକା ନିର୍ଣ୍ଣାୟକ ତୃତୀୟ ଟେଷ୍ଟ ମ୍ୟାଚ । ତେବେ ତା ପୂର୍ବରୁ ଭାରତକୁ ଲାଗିଛି ଏକ ଝଟକା । ତୃତୀୟ ଟେଷ୍ଟରୁ ବାଦ ପଡ଼ିଛନ୍ତି ସଫଳ ବୋଲର ମହମ୍ମଦ ସିରାଜ । ଜୋହାନ୍ସବର୍ଗ ଟେଷ୍ଟରେ ସେ ଆହତ ହୋଇଥିଲେ । ସେ ୧୫.୫ ଓଭର ପରେ ଆଉ ବୋଲିଂ କରିପାରିନଥିଲେ । ବର୍ତ୍ତମାନ ସୁଦ୍ଧା ସେ ଏହି ସମସ୍ୟାରୁ ମୁକ୍ତ ହୋଇନାହାନ୍ତି । ତେଣୁ ସେ ତୃତୀୟ ଟେଷ୍ଟରେ ସାମିଲ ହୋଇପାରିବେ ନାହିଁ । ଅଧିନାୟକ ବିରାଟ କୋହଲି ଆଜି ଏହା ସ୍ପଷ୍ଟ କରିଦେଇଛନ୍ତି । ତାଙ୍କ ସ୍ଥାନରେ ଦ୍ରୁତ ବୋଲର ଇଶାନ୍ତ ଶର୍ମାଙ୍କୁ ଖେଳାଯାଇପାରେ । ଏନେଇ ଦଳ ମ୍ୟାନେଜମେଣ୍ଟ ବିଚାର କରୁଛି ।
କୋହଲି ନିଶ୍ଚିତ କରିଛନ୍ତି ଯେ ମଙ୍ଗଳବାର ଦିନ କେପଟାଉନ୍ ନ୍ୟୁଲ୍ୟାଣ୍ଡରେ ଆରମ୍ଭ ହେବାକୁ ଥିବା ସିରିଜ୍ ନିର୍ଣ୍ଣୟକାରୀ ମ୍ୟାଚ ପାଇଁ ସେ ସମ୍ପୂର୍ଣ୍ଣ ଫିଟ୍ । କୋହଲିଙ୍କ ଅନୁପସ୍ଥିତିରେ ଅଜିଙ୍କ୍ୟ ରାହାଣେ ଦ୍ୱିତୀୟ ଟେଷ୍ଟରେ ଦଳର ନେତୃତ୍ୱ ନେଇଥିଲେ, ଯାହା ଭାରତ ସାତ ୱିକେଟରେ ହାରି ଯାଇଥିଲା । ଏହି ବିଜୟ ତିନି ମ୍ୟାଚ୍ ବିଶିଷ୍ଟ ସିରିଜରେ ଆୟୋଜକ ଦଳକୁ ୧-୧ରେ ଡ୍ର କରିବାରେ ସାହାଯ୍ୟ କଲା । ଜୋହାନ୍ସବର୍ଗ ଟେଷ୍ଟ ସମୟରେ ମହମ୍ମଦ ସିରାଜଙ୍କ ଆଘାତ ଲାଗିଛି ଏବଂ ସୋମବାର ଦିନ ସାମ୍ବାଦିକ ସମ୍ମିଳନୀରେ କୋହଲି କହିଛନ୍ତି ଯେ ଦ୍ରୁତ ବୋଲର ଏପର୍ଯ୍ୟନ୍ତ ମ୍ୟାଚ୍ ପ୍ରସ୍ତୁତ ନୁହଁନ୍ତି । କୋହଲି ମ୍ୟାଚ୍ ପୂର୍ବରୁ ଭର୍ଚୁଆଲ୍ ପ୍ରେସମିଟରେ କହିଛନ୍ତି ଯେ, ଅନ୍ତିମ ଟେଷ୍ଟରେ ସିରାଜଙ୍କ ସ୍ଥାନ କିଏ ନେବେ, ସେନେଇ କୋହଲି ଅଧିକ ପ୍ରକାଶ କରିବାକୁ ମନା କରି ଦେଇଛନ୍ତି । ସେ କହିଛନ୍ତି, ମୁଁ ଯେପରି କହିଥିଲି, ଆମେ ବଦଳାଇବାକୁ କଣ କରିବାକୁ ଚାହୁଁଛୁ । ସମସ୍ତେ ଭଲ ବୋଲିଂ କରୁଛନ୍ତି, ଭଲ ବ୍ୟାଟିଂ କରୁଛନ୍ତି । ଏହା ଆମକୁ ବିଳ୍ପ ବାଚିବାରେ ଚିନ୍ତାରେ ପକାଉଛି । ଏହି ବିଷୟ ଉପରେ ଆମକୁ ଏକ ସୁସ୍ଥ ଆଲୋଚନା କରିବାକୁ ପଡିବ । ସମସ୍ତେ ଏହା ବିଷୟରେ ସନ୍ତୁଳିତ (ଠିକ୍) ଅନୁଭବ କରନ୍ତି ବୋଲି ସେ ସ୍ପଷ୍ଟ କରିଛନ୍ତି । ସିରିଜର ତୃତୀୟ ଟେଷ୍ଟ ଏବଂ ଅନ୍ତିମ ଟେଷ୍ଟ ମଙ୍ଗଳବାର ଦିନ ନ୍ୟୁଲ୍ୟାଣ୍ଡରେ ଆରମ୍ଭ ହେବ ।
