ବର୍ମିଙ୍ଗହାମ : ଆୟୋଜକ ଇଂଲଣ୍ଡ କ୍ରିକେଟ୍ ବୋର୍ଡ ଜୁଲାଇ ୧ ରୁ ଖେଳାଯିବାକୁ ଥିବା ଭାରତ ବିପକ୍ଷ ପାଞ୍ଚ ମ୍ୟାଚ୍ ଟେଷ୍ଟ ସିରିଜର ଶେଷ ଅବଶିଷ୍ଟ ମ୍ୟାଚ୍ ପାଇଁ ଏକାଦଶ ଖେଳାଳିଙ୍କ ନାମ ଘୋଷଣା କରିଛି । ଏଜବେଷ୍ଟନ୍ରେ ହେବାକୁ ଥିବା ଏହି ମ୍ୟାଚ୍ ପାଇଁ ଜେମ୍ସ ଆଣ୍ଡରସନ ଇଂଲଣ୍ଡ ଦଳରେ ସ୍ଥାନ ପାଇଥିବାବେଳେ ସାମ ବିଲିଙ୍ଗସ୍ ୱିକେଟ୍ କିପର ଭାବରେ ପଡିଆକୁ ଓହ୍ଲାଇବେ । ଆହତ କାରଣରୁ ନ୍ୟୁଜିଲ୍ୟାଣ୍ଡ ବିପକ୍ଷରେ ଶେଷ ହୋଇଥିବା ଟେଷ୍ଟ ସିରିଜର ଶେଷ ମ୍ୟାଚରେ ଆଣ୍ଡରସନ ଖେଳି ନାହାଁନ୍ତି ।
୬୫୦ ଟେଷ୍ଟ ୱିକେଟ୍ ପାଇବାଠାରୁ ଜେମ୍ସ ଆଣ୍ଡରସନ ଗୋଟିଏ ୱିକେଟ୍ ଦୂରରେ ଅଛନ୍ତି ଏବଂ ସେ ଏହି ମ୍ୟାଚରେ ଏହି ସଫଳତା ହାସଲ କରିବାକୁ ସମର୍ଥ ହେବେ । ଏହି ମ୍ୟାଚ୍ରେ ସେ ଷ୍ଟୁଆର୍ଟ ବ୍ରଡଙ୍କ ସମର୍ଥନ ମଧ୍ୟ ପାଇବେ, ଯିଏ ଦୀର୍ଘ ଦିନ ଧରି ଦ୍ରୁତ ବୋଲିଂ ସହ ରହିଆସିଛନ୍ତି । ଅନ୍ୟପକ୍ଷରେ ଇଂଲଣ୍ଡର ଖେଳୁଥିବା ଏକାଦଶରେ ଅନ୍ୟ ବୋଲର ଭାବରେ ମାଥ୍ୟୁ ପୋଟ୍ସ ଏବଂ ଜ୍ୟାକ୍ ଲିଚ୍ ରହିବେ । ଏଥି ସହିତ ଅଧିନାୟକ ବେନ ଷ୍ଟୋକ୍ସ ଇଂଲଣ୍ଡର ବୋଲିଂ ପାଇଁ ଆଉ ଏକ ବିକଳ୍ପ ହେବେ । ଜୋ ରୁଟ୍ ମଧ୍ୟ ବହୁତ ବୋଲିଂ କରିଥାନ୍ତି ।
ଇଂଲଣ୍ଡ ପ୍ଲେଇଙ୍ଗ ଏକାଦଶ
ଆଲେକ୍ସ ଲିସ୍, ଜ୍ୟାକ୍ କ୍ରୋଲେ, ଓଲି ପୋପ୍, ଜୋ ରୁଟ୍, ଜନି ବେୟାରଷ୍ଟୋ, ବେନ୍ ଷ୍ଟୋକ୍ସ (ଅଧିନାୟକ), ସାମ୍ ବିଲିଙ୍ଗସ୍ (ଉଇକେଟ କିପରି), ମାଥ୍ୟୁ ପୋଟ୍ସ, ଷ୍ଟୁଆର୍ଟ ବ୍ରଡ୍, ଜ୍ୟାକ୍ ଲିଚ୍, ଜେମ୍ସ ଆଣ୍ଡରସନ୍
