ସୁବର୍ଣ୍ଣପୁର : ଆଜି ଦିନ ୧୧ ଘଣ୍ଟା ସମୟରେ ସୋନପୁର ବାଲାଜି ସ୍ପିନିଂ ମିଲ ଶ୍ରମିକ ସଂଘର ଏକ ଜରୁରୀକାଳୀନ ବୈଠକ ବସିଥିଲା । ଏଥିରେ ସଂଘର ସଭାପତି ଯୋଗେନ୍ଦ୍ର ପଣ୍ଡା, ସମ୍ପାଦକ, କୋଷାଧ୍ୟକ୍ଷଙ୍କ ସହ ଉପଦେଷ୍ଟା ବଳଦେବ ବେଦବାକ, ସୁରେଶ ପାତ୍ର ପ୍ରମୁଖ ଯୋଗ ଦେଇଥିଲେ । ମିଲ କର୍ତ୍ତୃପକ୍ଷ ଆଜି ପର୍ଯ୍ୟନ୍ତ ଶ୍ରମିକମାନଙ୍କୁ ସର୍ବନିମ୍ନ ମଜୁରୀ ପ୍ରଦାନ ନକରିବା ବିଷୟ ଉପରେ ଆଲୋଚନା ହୋଇଥିଲା । ଶେଷରେ ସଂଘର କର୍ମକର୍ତ୍ତା ମାନେ ଏକ ରାଲିରେ ଯାଇ ଜିଲ୍ଲା ଗ୍ରାମ୍ୟ ଉନ୍ନୟନ ପ୍ରକଳ୍ପ ନିର୍ଦ୍ଦେଶକଙ୍କ ସମ୍ମିଳନୀ କକ୍ଷରେ ଜିଲ୍ଲାପାଳଙ୍କୁ ଭେଟି ଦାବିପତ୍ର ପ୍ରଦାନ କରିଥିଲେ ।
